Oiartzon ere, indarkeria matxistaren kontra

Oiartzoko ikasle eta langileok, emakumeen aurkako indarkeria matxista gaitzesteko adierazpenekin bat egiten dugu, gaur eta egunero.

Mondragon Unibertsitatearen bisita

Atzo, urtero bezala, Mondragon Unibertsitateko kideak etorri ziren Oiartzora bisitan, beraien hezkuntza eskaintzaren inguruko argibideak ematera.

Zorte on denei!

Lehen ebaluazioko azterketa garaia iritsi da eta horretan buru-belarri dabiltza bi mailetako ikasleak. Atzo hasi eta datorren asteartean amaituko dituzte probak.

“Nada” eleberriaren antzezlana Donostian

Gaur goizean "Nada" antzezlana ikustera joan dira 2. mailako ikasleak, Gaztelania eta Literatura ikasgaian irakurtzen ari diren nobelaren errepresentazio dramatikoa. Carmen Laforet idazlearen liburu hau unibertsitateko hautaprobetarako prestatuko duten gaietako bat da eta horren teatralizazioak obra beste ikuspuntu batetik ezagutzeko balio izan die.

Kalabazaren ibilbide arrakastatsua

Pixkanaka ari dira herri ospakizunak berera bueltatzen eta, segurtasun neurriak jarraituta, aurten Gau Beltza ospatu dugu Euskal Herriko hainbat txokotan. Errenterian Kalabazaren ibilbidea egin genuen herritik barrena, etxeko trapu zaharrak soinean eta beldurrak kaleratuz.

STARTinnovarekin hasi gara

Batxilergo bigarren mailako “Administrazio kudeaketa eta Oinarriak” ikasgaiko ikasleek parte hartuko dute El Diaro Vascok urtero antolatzen duen StartInnova proiektuan. Programa horrek gazteen artean jokabide ekintzailea sustatzea du xede nagusi. Horrez gainera, enpresaren, gizartearen ala bestelako alor baten inguruko ekintzailetza egitasmoa martxan jartzeko beharrezkoak diren metodologiei eta tresnei buruz trebakuntza ematea du helburu aipatutako programak. 

BatxiLab I: Non gogoa, han zangoa

Badira hainbat urte Ikastolen Elkarteak konpetentzien lanketa batxilergoan txertatzea sustatzen duenetik eta, horien artean, BatxiLab deiturikoa dugu. BatxiLaben helburua proiektuetan edo erronketan oinarritutako ikaskuntza metodologia klaseratzea da, beste etapatan egin ohi den bezala. Ikasturte honetan hiru “erronka egun” edo hiru BatxiLab izango ditugu Oiartzon, eta gaurkoa izan da lehenengoa. 
,

Jertseak soinean… eta bagoaz mundura!

COVID egoera orokorrak dirua biltzeko zailtasunak ekarri dizkigu, eta horrexegatik bilatu behar izan ditugu dirua lortzeko ohikoak ez diren beste bide batzuk. Hala nola, jertseak diseinatu eta saltzearena. 

Ikasleak Tabakaleran

"Zin Ex. Gorputza eta arkitektura" zinema hedatuaren inguruko erakusketa bisitatu genuen urriaren 7an. Artearen Historia ikasgaian arte garaikidea lantzen dugu lehenik eta oraingoan ikus-entzunezkoen esperientzia bizi ahal izan genuen Tabakaleran-Kultura Garaikidearen Nazioarteko Zentroan.
Gela

Gurasoak klasera

Gaur arratsaldean ikasleen ordez euren gurasoak izan ditugu Oiartzoko ikasgeletan. Urtero moduan, guraso bilera orokorrak antolatu ditugu ikasturte hasieran.