ORGANIGRAMA
Oiartzoko Gobernu eta Funtzionamendu egitura organigrama honen araberakoa da.
ZUZENDARITZA TALDEA
Zuzendariak, ikasketaburuak eta orientazioburuak osatzen dute. Talde honen funtzio nagusiena plangintza koordinatuak eta oinarrizko jarduerak burutzea da, beti Ikastolako plangintzaren ildoei eta helburuei jarraituz.
Zuzendaria: Gaskon Etxeberria ([email protected])
Ikasketaburua: Ane Zubizarreta ([email protected])
Orientazioburua: Araitz Olaiz ([email protected])
KLAUSTROA
Ikastola txikia izaki, Oiartzo Batxilergo Ikastolako klaustroa ere txikia da, tamaina egoki horrek berak ahalbidetzen duelarik ikasleekiko hurbiltasuna eta jarraipen pertsonalizatua egiteko aukera.
Ikastolaren sortzaile diren Orereta eta Haurtzaro ikastolekin koordinazioa bideratzeko, Oiartzoko irakasle batzuk beste ikastola horien klaustroetako kide ere badira.
GURASO BATZORDEA
Gela bakoitzeko guraso ordezkari batez osatutakoa behar duen arren, gainerako gurasoek ere izaten dute batzorde honetan parte hartzeko aukera.
Guraso batzordeak ez dauka erabakitzeko ahalmenik, baina proposamenak egin ditzake.
ESKOLA KONTSEILUA
Patronatuko ordezkariek, guraso ordezkariek, zuzendaritzako ordezkariek, irakasleen ordezkariek eta ikasleen ordezkariek osatutakoa da.
Ikastolaren jardunari jarraipena egin eta dagozkion proposamenak erabakiguneetara bideratzea da bere zeregina. Kudeatzailea da batez ere, baina, dagozkion gaietan, erabakiak har ditzake.
PATRONATUA
Fundazioko Patronatua, Oiartzo Batxilergo Ikastolako titularra izanik, bertako organo gorena da. Orereta eta Haurtzaro ikastoletako kideek parte hartzen dute bertan. Lau dira patronuak, eta horietatik bi dira Oreretakoak eta beste biak Haurtzarokoak.
Patronatua da erabaki garrantzitsuenak hartzeko eskumena duen organoa.
