Martxoaren 17an BatxiLab-en 3. edizioa izan zuten 1. mailako ikasleek. BatxiLab egunetan, DBHn jarraitzen den konpetentzia bidezko ikaskuntza bizitzen dute ikasleek, multidiziplinarrak diren proiektuak aurrera eramanaz.
Pasa den ostegun eta ostiralean Haurtzaro eta Orereta ikastoletako DBH 4. mailako ikasleak izan genituen Oiartzon bisitan. Datorren ikasturtean batxilergoa non ikasi erabakitzen ari diren honetan, eraikuntza, irakasleak, ikasleak eta lan dinamikak ezagutzea lagungarria delako egin genituen bi ikastoletako ikasleentzat bisita gidatuak.
Martxoak 8 aldarrikapen eguna da eta horixe egin dugu gaurkoan Oiartzoko ikasle eta langileok: emakumeen nazioarteko egunean emakumeen* eskubideak errebindikatu.
Pasa den astean Oiartzon ere inauteriak ospatu genituen eta egun ederra pasa Euskara Taldeak antolatutako dinamiketan parte hartuz.
Adierazpen Grafikoetako ikasleek egindako ariketa bat izan da autoerretratuarena. Aurten BIR-SOR-TU proiektuarekin bat, enpresa desberdinetatik jasotako material berrerabilgarriei esker gure sormena erosoago garatzeko aukera izan dugu.
Gaur hasi eta datorren asteartean bukatuko da 2. ebaluazioko azterketa garaia.
Atzo, otsailak 3, orientazio saio berezia egin genuen Oiartzoko 2. mailako ikasleen gurasoentzat. Batxilergo ikasketak amaituta ikasleek zein aukera pedagogiko dituzten azaldu zituzten Andrea Etxaniz orientatzaileak eta Gaskon Etxeberria zuzendariak, bi taldetan banatuta. Orohar, Oiartzoko ikasleek bi ikasketa bide aukeratzen dituzte: Lanbide Heziketa eta Unibertsitatea. Bi aukera hauetaz eta horietan sartzeko faseez jardun zuten arratsalde amaieran.
Oiartzoko 2. mailako ikasle batzuek unibertsitatera salto egingo dute datorren ikasturtean eta orain ari dira ikasketak non jarraitu nahiko lituzketen erabakitzen. Horretan laguntzeko, ikastolako Orientazio sailak Euskal Herriko hainbat unibertsitatetara bisitak antolatzen ditu, eurekin elkarlanean. Pasa den asteartean, Deusto Unibertsitateko Donostiako kanpusa bisitatu zuen gure ikasleek.
Hier 25 janvier 2022, les élèves de Français d’Oiartzo (1e et 2e année) ont eu la chance de voir la pièce de théâtre “Une Amitié Intouchable” à l’école Santa Teresa à Donostia.-
Pasa den abenduaren 23an, iaz batxilergoa amaitu zuten ikasleei graduazio ekitaldia egin zitzaien Errenteriako Niessen aretoan. Egoerak baldintzatuta ekitaldi xumea egitera behartuta izan baginen ere, ikasle eta irakasleak berriz ere elkartzeko momentu polita izan zen egun hura.
